ميني بطبوط بالسميد و الفورص معمر بالكفتة والخضر والفرماج

مقادير ميني بطبوط بالكفتة والخضر كفتة فلفلة حلوة خيزو كورجيت مطيشة بصلة خس زيتون أسود ملح طريقة تحضير ميني بطبوط بالكفتة والخضر هنا درت الكفتة مع البصلة و شوية الملح حتى تشحرو شوية ضفت الفلفلة حلوة حمراء من بعد ضفت خيزو و الكورجيت و خليتهم تشحرو مزيان و نقصت العافية وخليتهم يطيبو حيث كيطلقو الماء و كيطيبو فيه حتى يتشحو من بعد دزت العجينة درت عجينة البطبوط عادية نفس الكمية فينو و فورص عجنتها مزيان وخليتها رتاحت شوية وطلقتها بالدلاك و قطعتها دوائر صغيرة غطيتهم و خليتهم يرتاحو شوية و بديت كانطيب هاهوما ملي طابو عمرتهم بالحشوة ديال الكفتة و زينتهم بالخس و مطيشة و الزيتون اسود و شوية البصلة وهاهو ميني بطبوط بالكفتة والخضر واجد بالصحة والراحة